CCCXLI.

1448, September 10. Neisse.

Bischof Peter II. von Breslau beauftragt den Abt Johann (II.) von Kamenz, vier als Pfarrer eingesetzte Klosterprofessen zur Befolgung eines geistlichen Lebenswandels zu veranlassen, widrigenfalls aber zu entsetzen.

Petrus dei gracia episcopus Wrat. venerabili viro domino Johanni abbati monasterii ordinis Cisterciensis in Kamencz salutem et fraternam in domino caritatem. Relatione fidedigna recepimus, religiosos viros, Johannem Schrom in Franckenberg, Nicolaum Kant in Heynrichswalde, Nicolaum Fyereckil in Heymarschdorff et Andream N. in Michelaw ecclesiarum parrochialium rectores ac ordinis vestri professos, obediencia eiusdem ordinis vestri abiecta, secularibus potius, quam domesticis moribus insistere et disciplinis in suarum animarum grave periculum, scandalum ordinis vestri et iacturam plurimorum, quibus negligenciis ex officio nostro providere volentes, vestre fraternitati committimus et mandamus, quatinus vocatis ad presenciam vestram dictis ecclesiarum parrochialium rectoribus, cum tales ecclesie monasterio vestro ex fundacione et dotacione existunt incorporate, rectores ipsarum ad prestandam realem in omnibus, prout tenentur, vestre fraternitati obedienciam eaque eidem aut cuilibet ipsorum salutaria monita iniungebitis pro honore et utilitate ordinis et monasterii vestri ac animarum suarum salute, rebellione et contradictione semata faciant et exequantur iuribus episcopalibus ac obediencia more aliorum nostre dyocesis plebanorum nobis debitis per omnia salvis; et si in eisdem fuerint aliquatenus rebelles aut negligentes, ut ipsos aut quemlibet ipsorum auctoritate nostra a suis parrochialibus ecclesiis revocare et destituere ac alium seu alios ydoneos ad easdem nobis presentare valeatis, plenam presentibus concedimus facultatem. Quod si ipsi aut aliquis ipsorum per presentes se senserint fore gravatos, volumus, ut iidem coram nobis tempore et loco competenti compareant suam iusticiam et necessitatem data illis larga audiencia exposituri. Datum Nisse die decima mensis Septembris anno domini M°CCCCXLVIII nostro sub sigillo.

Abschrift (gleichzeitig oder wenig später) in der Handschrift I. Q. 363 Fol. 28. der Kgl. Universitätsbibliothek zu Breslau.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.